الصدف فى حياتنا ليها تاثير كبير . فى ناس بتشتغل بالصدفه


وفى ناس نشوفهم بعد سنين غياب صدفه ونحس انها صدفه مترتبه من ربنا . اننا نشوفهم لشئ منعرفوش . وبنتأكد ان الصدفه دى مش صدفه والسلام لما بنشوف الايام بعدها بتمشى ازاى . 

الى حد ما اوقات بتكون الصدفه سخيفه ورخمه . بس اوقات بتكون حلوة اوى . وتصحى جوانا احساس كان اختفى من سنين . وافتكرناه راح ومات . بس لما العين بتيجى فى العين صدفه ويصحى شئ نايم من سنين جوانا بنتأكد انه مماتش

وممكن تقابل صديق او قريب ليك فات سنين على اخر مرة شوفتوا بعض واتكلمتوا سوا . وبحس انك بتحكيله على كل تفاصيل حياتك بأهتمام وهو كمان بيسمعك بأهتمام . وعندو هو كمان كتير عشان يقولك عليه . وتبقى الصدفه دى هى بدايه لعلاقه قويه . تستمر لبعد كده .

انا شخصيا بحب الصدفه الجميله جداً . وبحسبها ترتيب الاقدار . مش جايه والسلام ..

بس اهم حاجه فى الصدف انها لو كانت صدفه وعدت . بلاش نخليها تأثر على حياتنا الطبيعيه . او تخلينا نعيد التفكير فيها . لانها ممكن تكون حصلت عشان تنورلنا سبوت على حاجه معينه فى حياتنا مش واخدين بالنا منها . محتاجه تتعدل او تتغير اصلا ، او نهتم بيها زياده بدل الاهمال .

بس انا بعتبر الصدفه زى (ريفريش) لحياتنا.

الرد

لن يتم نشر عنوان بريدك الإلكتروني. الحقول الإلزامية مشار إليها بـ *